სსიპ ქალაქ თბილისის N133 საჯარო სკოლის თავისუფალი აზროვნების კლუბი „მასწავლებელი ბავშვები“

მუხლი 1. ზოგადი დებულებები:

1.1 კლუბი დაფუძნებულია განუსაზღვრელი ვადით და თავისი მიზნებიდან გამომდინარე, მოქმედებს საქართველოს ტერიტორიაზე. იგი თავის საქმიანობას წარმართავს ზოგადი განათლების ეროვნული მიზნების შესაბამისად.

1.2 კლუბს აქვს სახელწოდება, ლოგო, დევიზი, ვებ-გვერდი.

ა. სახელწოდება: თავისუფალი აზროვნების კლუბი „მასწავლებელი ბავშვები“.

ბ. ლოგო:

გ. დევიზი: ვიაზროვნოთ სწორად და თავისუფლად!

დ. ვებ-გვერდი: www.edumeter.ge/tamb.html 

1.3 კლუბის იურიდიული მისამართი: თბილისი ვარდისუბნის ქ. 8

კლუბი უფლებამოსილია განახორციელოს ნებისმიერი საქმიანობა, რომელიც ემსახურება კლუბის მიზნებს, ინტერესებს, ორიენტირებულია შედეგზე და არ ეწინააღმდეგება საქართველოს კანონმდებლობას.

1.4 კლუბში მოსწავლეები გაეცნობიან ლოგიკურ-მათემატიკური აზროვნების ფორმებს, შექმნიან საკუთარი ხელით საგანმანათლებლო რესურსებს, შემდგომში თანატოლებს ან უმცროსკლასელებს გაუზიარებენ საკუთარ ცოდნას, დაგეგმავენ საინტერესო და სახალისო აქტივობებს და ვიქტორინებს.

1.5 კლუბს ხელმძღვანელობს მათემატიკის პედაგოგი მამუკა კვინიკაძე.

მუხლი 2. თავისუფალი აზროვნების კლუბი „მასწავლებელი ბავშვები“–ს მიზნები და მუშაობის მოსალოდნელი შედეგები:

ლოგიკურ-მათემატიკური აზროვნება ჩვენი ყოველდღიური საქმიანობის აუცილებელი ნაწილია. მიუხედავად იმისა, რომ ეს უნარ-ჩვევები ყველა ეპოქის ადამიანისათვის საჭირო და გამოსადეგი იყო, 21-ე საუკუნის ადამიანისათვის განსაკუთრებით მნიშვნელოვანია. გარკვეული უნარების განვითარება და მათი ჩვევაში გადასვლა ადრეული ასაკიდანვე უნდა იწყებოდეს ადამიანის ცხოვრებაში, განსაკუთრებით კი ისეთი უნარ-ჩვევებისა, რაც მათემატიკასთან და ლოგიკასთანაა დაკავშირებული. სასკოლო მათემატიკა ძირითადად სტანდარტული ამოცანების ამოხსნაზეა ორიენტირებული და ბევრი ბავშვი ამ საგანს მოსაწყენადაც თვლის. აღნიშნული გაკვეთილები კი მოსწავლეებს ადრეული ასაკიდანვე განუვითარებს არასტანდარტულ, კრიტიკულ აზროვნებას, კიდევ უფრო შეაყვარებს მათემატიკას და მის მიმართ ინტერესსაც გაუღვივებს. სახალისო ლოგიკური და მათემატიკური ამოცანების ამოხსნა ყველა მოსწავლისთვის ძალიან საინტერესო და სასიამოვნო პროცესი გახდება, რაც თავის მხრივ, მაღალი სააზროვნო უნარ-ჩვევების ჩამოყალიბებას დაუდებს საფუძველს.

ხელი შეუწყოს მოსწავლეებში მათემატიკის პოპულარიზაციას, მათ აკადემიურ წინსვლას, მათემატიკური, ლოგიკური და სააზროვნო უნარ-ჩვევების განვითარებას

გაზარდოს მოსწავლეთა აკადემიური მოსწრება მათემატიკაში

მოსწავლეებს საშუალება მისცეს აღმოაჩინონ და განავითარონ თავიანთი შესაძლებლობები

აქტიური მოსწავლეების აღმოჩენა და მათი შემოქმედებითი უნარების განვითარება

ნაკლებად აქტიურ მოსწავლეებს მისცეს საშუალება ახალი ცოდნის მიღებისა და თავისუფალი დროის შინაარსიანად განკარგვისათვის

ხელი შეუწყოს მოსწავლეების თანატოლებთან და უფროსებთან დადებით, კონსტრუქციულ ურთიერთობასა და გუნდურ მუშაობას

განუვითარდეთ პასუხისმგებლობის გრძნობა და შეძლონ პრიორიტეტების გამოყოფა

ხელი შეუწყოს მოსწავლეებში კრიტიკული აზროვნების განვითარებას, მოამზადოს ისინი პრობლემების გადაჭრისათვის

მოსწავლეებს განუვითარდეთ მაღალი თვითშეფასება

შეეძლოთ საკუთარი შესაძლებლობების გაანალიზება და სამომავლო მიზნების დასახვა

მოსწავლეთა ინიციატივების პროექტების და კონფერენციების  სახით განხორციელება.

გახდნენ უფრო მოტივირებულნი, ორგანიზებულნი, მიზანდასახულნი და აქტიურად ჩაერთონ სასკოლო ცხოვრებაში.

მუხლი 3. თავისუფალი აზროვნების კლუბი „მასწავლებელი ბავშვები“–ს მუშაობა

3.1. კლუბი შედგება კლუბის წევრებისგან, რომელთა რაოდენობაა არაუმეტეს 17 მოსწავლისა, კლუბის წევრი შეიძლება გახდეს სკოლის VI კლასის მოსწავლე, რომელიც იზიარებს კლუბის მიზნებს და გამოირჩევა მათემატიკის სიყვარულით ან ინტერესდება მათემატიკის, ლოგიკისა და კრიტიკული აზროვნების უკეთ შესწავლით.

• კლუბიმუშაობას იწყებს 2023 წლის ოქტომბრის თვეში;
• კლუბიმუშაობას იწყებს საგაკვეთილო პროცესის დასრულების შემდეგ ან დაწყებამდე, საჭიროებისამებრ იკრიბება შაბათ-კვირას.

მუხლი 4. კლუბის ფუნქციონირება:

4.1.  კლუბის ფუნქციონირების ძირითადი პრინციპები:

კლუბის მიერ შემუშავებული წესის დაცვა;

კლუბში გაერთიანებული მოსწავლეების თანასწორუფლებიანობა;

ურთიერთპატივისცემაზე დამყარებული ურთიერთობა;

ინფორმაციის ხელმისაწვდომობა და შეუზღუდველობა.

კლუბის სამოქმედო გეგმა 2023/2024 წლის I სემესტრი